SUS svarar engu um hegðun Hermanns Nökkva - Kýldi samflokksmann á djamminu -

Sæki samantekt...

Eins og greint var frá í vikunni komu upp blóðug átök um síðustu helgi milli Hermanns Nökkva Gunnarssonar, blaðamanns Morgunblaðsins, og Þorleifs Ingólfssonar en báðir mennirnir eru skráðir Sjálfstæðismenn og tóku þátt í landsfundi flokksins sem fór fram sömu helgi.

Samkvæmt frétt Vísis var Þorleifur að tala „fjálglega“ um samskipti Hermanns og Guðrúnar Hafsteinsdóttur en Hermann studdi hana vel og mikið í formannsbaráttunni. Það kunni Hermann ekki að meta og kýldi Þorleif. Í viðtali við Vísi sagði Þorleifur að ekki væri um stórmál að ræða og þeir hafi skálað í bjór síðar.

En ásamt því að vera blaðamaður Morgunblaðsins er Hermann einnig framkvæmdastjóri Sambands ungra Sjálfstæðismanna.

Mannlíf hefur sent ítrekaðar fyrirspurnir á SUS til að spyrjast fyrir um hvort félagið myndi með einhverjum hætti bregðast við málinu en þeim fyrirspurnum hefur ekki verið svarað.